عامر لیاقت کی تیسری اہلیہ دانیہ شاہ نے ٹوئٹر اکاؤنٹ بنالیا

دانیہ نے ٹوئٹر اکاؤنٹ بحال کرلیا، فوٹو: فائل

---

ISLAMABAD: حال ہی میں پُراسرار انداز میں انتقال کرجانے والے ڈاکٹر عامر لیاقت حسین کی تیسری اہلیہ دانیہ ملک نے اب ٹوئٹر پر بھی اکاؤنٹ بنالیا۔

مرحوم عامر لیاقت حسین کی تیسری اہلیہ دانیہ ملک نے اپنے انسٹاگرام اسٹوری کے ذریعے ٹوئٹر جوائن کرنے سے آگاہ کیا ہے۔ ٹوئٹر پر یہ اکاؤنٹ رواں برس جنوری میں بنایا گیا تاہم بحال اب کیا گیا ہے۔

سیدہ دانیہ شاہ نے ٹوئٹر پر اکاؤنٹ ''دانیہ ملک آفیشل'' کے نام سے بنایا ہے، پروفائل امیج میں عامر لیاقت حسین کے ساتھ اپنی تصویر لگائی ہے جب کہ کور فوٹو میں اہلِ خانہ کی تصویر ہے۔

یہ خبر بھی پڑھیں : عامر لیاقت کی پہلی اہلیہ کا دانیہ شاہ کیخلاف سائبر کرائم میں مقدمہ کرنے کا فیصلہ

ٹوئٹر اکاؤنٹ کے بائیو میں دانیہ ملک نے لکھا کہ اللّٰہ سے ڈر اور توبہ توبہ کر۔ اب تک 750 کے نزدیک صارفین فالو کرچکے ہیں۔

#NewProfilePic pic.twitter.com/cU4xIWHsq8

— Dania malik official (@SyedaDaniaShah3) July 24, 2022

دانیہ ملک نے ٹوئٹر اکاؤنٹ اس وقت بحال کیا ہے کہ جب مرحوم عامر لیاقت کی پہلی اہلیہ بشریٰ اقبال اور بیٹی دعا نے دانیہ شاہ کے خلاف ایف آئی اے سائبر کرائم میں تحریری شکایت جمع کرائی ہے۔

دوسری جانب دانیہ نے عامر لیاقت کا پوسٹ مارٹم کرانے کے لیے عدالت سے بھی رجوع کر رکھا ہے جس کی سماعت 28 جولائی کو ہوگی۔

واضح رہے کہ عامر لیاقت نے دانیہ سے تیسری شادی کی تھی تاہم چند ماہ بعد ہی دانیہ نے عدالت میں خلع کے لیے درخواست دائر کرتے ہوئے ماہانہ اخراجات دینے کا مطالبہ کیا اور شوہر پر تشدد اور منشیات کے استعمال کا الزام بھی عائد کیا تھا۔



اس کے بعد دونوں کے درمیان سوشل میڈیا کے درمیان لفظی جنگ بھی چلتی رہی اور ایک روز عامر لیاقت کی انتہائی نازیبا ویڈیو سوشل میڈیا پر وائرل ہوئی جس کے چند روز بعد عامر لیاقت اپنے کمرے میں مردہ حالت میں پائے گئے تھے۔