سی آئی ڈی پولیس نے کارروائی کرکے منگھو پیر کے علاقے سے 3 دہشت گردوں کو بھاری تعداد میں اسلحہ سمیت گرفتار کرلیا۔

ایکسپریس نیوز کے مطابق سی آئی ڈی حکام کا کہنا ہے کہ گرفتار کئے گئے دہشت گرد چہلم اور اورنگی ٹاؤن بم دھماکوں سمیت متعدد مذہبی اور سیاسی رہنماؤں کے قتل میں ملوث ہیں، ان کے قبضے سے 100 کلو دھماکا خیز مواد، 4 خود کش جیکٹس، 8 ہینڈ گرنیڈ، ڈیٹونیٹرز اور سیکڑوں گولیاں برآمد کی گئیں ہیں جبکہ ملزمان کو تفتیش کے لئے نامعلوم مقام پر منتقل کردیا گیا ہے۔