سسٹم کی تنصیب سے تجارتی انتظام، کاروباری انتظامیہ کا کام تیز ہو گا، چیئرمین اتھارٹی۔ فوٹو: فائل
گوادر پرو کے مطابق اب گوادر فری زون میں پہلے سے رجسٹرڈ یا رجسٹر ہونے والی تمام غیر ملکی اور مقامی کمپنیاں اپنے کاروبار میں غیرمعمولی ترقی کا مشاہدہ کریں گی جو پیپر لیس، انتہائی تیز رفتار، کم لاگت،شفاف عمل اور طریقہ کار سے لطف اندوز ہوں گی، اس شرط کو پورا کرنے کے بعد غیر ملکی سرمایہ کاری آنے کا قوی امکان ہے جس کی موجودہ صورتحال میں پاکستانی معیشت کو اشد ضرورت ہے۔
اقدام کا مقصد گوادر فری زون میں کمپنیوں کو گوادر پورٹ، کسٹم، این ایل سی، ایف بی آر، بینکنگ چینلز اور دیگر اداروں کے ساتھ مربوط ہونے میں سہولت فراہم کرنا ہے۔ زمینی، فضائی اور سمندری راستوں سے متعلق تمام تجارتی طریقہ کار اور لاجسٹک سروسز کے آٹومیشن، معیاری اور ہم آہنگی میں مدد کرے گا۔
چیئرمین گوادر پورٹ اتھارٹی نے کہا کہ ویب بیسڈ ون کسٹم کی تنصیب سے تجارتی انتظام اور کاروباری انتظامیہ کا کام تیز ہو گا۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔