پاکستان اورمغربی یورپ کے درمیان تجارت میں نمایاں اضافہ

ISLAMABAD:
پاکستان اورمغربی یورپ کے درمیان دوطرفہ تجارت کے حجم میں مالی سال 2021-22کے پہلے11ماہ کے دوران نمایاں اضافہ ہوا، سال کے دوران خطے کو برآمدات میں 21.92 فیصد اور درآمدات میں 22.38 کی نمو ریکارڈ کی گئی۔


اسٹیٹ بینک کے اعداد و شمارکے مطابق گزشتہ مالی سال کے پہلے 11 ماہ میں پاکستان سے بلجیم، فرانس، جرمنی، نیدر لینڈ اورسوئٹزر لینڈ سمیت مغربی یورپ کے ممالک کو 4.166 ارب ڈالرکی برآمدات ریکارڈکی گئیں جو مالی سال 2021 کی اسی مدت کے مقابلے میں 21.92 فیصدزیادہ ہیں ،برآمدات سے ملک کو 3.416 ارب ڈالر کا زرمبادلہ حاصل ہواتھا۔

مالی سال 2021 میں مغربی یورپ کے ممالک کو پاکستانی برآمدات کاحجم 3.782 ارب ڈالرریکارڈکیا گیا تھا۔