کراچی سمیت سندھ بھر کے تعلیمی ادارے یکم اگست سے کھلیں گے صوبائی وزیر
سوشل میڈیا پرمحکمہ تعلیم کے نام سے چلنے والی خبریں غلط ہیں، سردار شاہ
صوبائی وزیر تعلیم سردار شاہ نے کہا ہے کہ تعلیمی ادارے شیڈول کے مطابق یکم اگست سے معمول کے مطابق کھلیں گے، چھٹیوں میں اضافے کی خبریں بے بنیاد ہیں۔
صوبائی وزیر تعلیم نے سوشل میڈیا پر اسکولوں کی تعطیلات میں اضافے کے حوالے سے پھیلنے والی خبروں کی تردید کرنے کے لیے وضاحتی بیان جاری کیا۔
سردار شاہ نے کہا کہ تعلیمی ادارے شیڈول کے مطابق یکم اگست سے کھلیں گے، تعطیلات میں اضافے کی خبریں بے بنیاد ہیں کیونکہ موسم گرما کی تعطیلات 31جولاٸی اتوار کو ختم ہو جاٸیں گی۔
انہوں نے کہا کہ بچوں کی پڑھاٸی کا پہلے ہی نقصان ہو چکا ہے مزید براشت نہیں کر سکتے، سوشل میڈیا پرمحکمہ تعلیم کے نام سے چلنے والی خبریں غلط ہیں۔
واضح رہے کہ سندھ بھر میں موسم گرما کی سالانہ تعطیلات یکم جون سے 31 جولائی دی گئیں تھیں۔