فتنہ خان ایک ہی فیصلے میں جھوٹا کرپٹ اور منی لانڈرر ثابت ہوگیا مریم نواز

مریم نواز کا پی ٹی آئی ممنوعہ فنڈنگ کیس کے فیصلے پر ردعمل (فوٹو:فائل)

---

پاکستان مسلم لیگ (ن) کی نائب صدر مریم نواز نے کہا ہے کہ فتنہ خان پاکستان کا واحد سیاست دان ہے جو ایک ہی فیصلے میں جھوٹا، کرپٹ، منی لانڈرر اور بیرونی قوتوں کے ایماء پر کام کرنے والا ثابت ہوا ہے۔

مسلم لیگ (ن) کی رہنما مریم نواز نے پی ٹی آئی ممنوعہ فنڈنگ کیس کے فیصلے پر ردعمل دیتے ہوئے کہا کہ قوم کو غلامی سے نجات کا بھاشن دینے والا خود بیرونی طاقتوں کا غلام ثابت ہوا، ان سے پیسہ لیتا رہا اور اس پیسے کو ملک میں فتنہ فساد اور بربادی کے لیے خرچ کرتا رہا۔

انہوں نے کہا کہ اس فارن ایجنٹ کو پاکستان کی ترقی کو روکنے، سی پیک کے خاتمے کے لیے لانچ کیا گیا تھا۔

قوم کو غلامی سے نجات کا بھاشن دینے والا خود بیرونی طاقتوں کا غلام ثابت ہوا۔ان سے پیسہ لیتا رہا اور اس پیسے کو ملک میں فتنہ فساد اور بربادی کے لیے خرچ کرتا رہا۔
اس فارن ایجنٹ کو پاکستان کی ترقی کو روکنے،CPEC کے خاتمے کےلیے لانچ کیا گیا تھا۔سرشرم سے جھک گیا#ImportedIKImportedPTI

— Maryam Nawaz Sharif (@MaryamNSharif) August 2, 2022

مریم نواز نے کہا کہ فتنہ خان پاکستان کا پہلا اور واحد سیاست دان ہے جو ایک ہی فیصلے میں ناقابلِ تردید ثبوتوں کے ساتھ بیک وقت جھوٹا، کرپٹ، منی لانڈرر اور بیرونی قوتوں کے ایماء پر کام کرنے والا ثابت ہوا ہے، عمران خان کا اپنا ہی بنایا ہوا جھوٹا، ایمان داری اور حب الوطنی کا بت آج اوندھے منہ گر گیا، بیشک اللہ حق ہے۔

فتنہ خان پاکستان کا پہلا اور واحد سیاستدان ہے جو ایک ہی فیصلے میں ناقابلِ تردید ثبوتوں کے ساتھ بیک وقت جھوٹا،کرپٹ،منی لانڈرر اور بیرونی قوتوں کے ایماء پر کام کرنے والا ثابت ہوا ہے۔اس کا اپنا ہی بنایا ہوا جھوٹا ایمانداری اور حب الوطنی کا بت آج اوندھے منہ گر گیا۔

بیشک اللّہ حق ہے!

— Maryam Nawaz Sharif (@MaryamNSharif) August 2, 2022