ارشد ندیم قومی ہیرو قرار صدر وزیراعظم آرمی چیف کی مبارکباد

ڈاکٹر عارف علوی، شہباز شریف، جنرل قمر جاوید باجوہ اور ڈی جی آئی ایس پی آر نے ارشد ندیم کو قرمی ہیرو قرار دیا

ویب ڈیسک August 08, 2022

سیاسی و عسکری قیادت نے پاکستانی ایتھلیٹ کی کارکردگی پر تعریف کی (فوٹو فائل)

BERLIN: صدر مملکت، وزیراعظم اور آرمی چیف نے پاکستانی ایتھلیٹ ارشد ندیم کو گولڈ میڈل حاصل کرنے پر مبارکباد پیش کی ہے۔

یہ خبر بھی پڑھیے: کامن ویلتھ گیمز، ارشد ندیم گولڈ میڈل حاصل کرنے میں کامیاب

سماجی رابطوں کی ویب سائٹ ٹوئٹر پر جاری پیغام میں صدر مملکت نے پاکستانی ایتھلیٹ ا رشد ندیم کو جیولین تھرو میں ریکارڈ قائم کرنے اور کامن ویلتھ گیمز 2022 میں طلائی تمغہ جیتنے پر مبارک باد دی ہے ۔ صدر مملکت نے کہا کہ آپ قوم کا فخر ہیں ۔ طلائی تمغہ جیتنے پر آپ کوبہت بہت مبارک ہو۔

ارشد ندیم کو جیولین تھرو میں ریکارڈ قائم کرنے اور کامن ویلتھ گیمز 2022 میں طلائی تمغہ جیتنے پر بہت بہت مبارک ہو۔
آپ قوم کا فخر ہیں۔#CommonwealthGames2022 #CWC2022 pic.twitter.com/UuBfWEtmPm

- The President of Pakistan (@PresOfPakistan) August 7, 2022

دریں اثنا وزیراعظم شہباز شریف نے بھی ارشد ندیم کو جیولین تھرو کے فائنل میں گولڈ میڈل حاصل کرنے پر مبارک باد دیتے ہوئے کہا کہ آج صبح بیدار ہوتے ہی بہت خوشی کی خبر سنی۔

وزیراعظم نے کہا کہ ارشد ندیم نے کامن ویلتھ گیمز میں پہلا گولڈ میڈل جیت کر پاکستان کا سر فخر سے بلند کر دیا ہے ۔ ارشد ندیم کی مستقل مزاجی، جذبہ اور محنت ہمارے نوجوانوں کے لیے سبق آموز ہے ۔ وزیراعظم نے شان دار کامیابی پر ارشد ندیم کو مبارک باد بھی پیش کی۔

What an amazing news to wake up to early this morning! Arshad Nadeem has done Pakistan proud by winning the first gold medal in Commonwealth Games. His consistency, passion & hard work hold lessons for our youth. Congratulations Arshad on your brilliant achievement. - Shehbaz Sharif (@CMShehbaz) August 8, 2022

علاوہ ازیں چیف آف آرمی اسٹاف جنرل قمر جاوید باجوہ نے ارشدندیم کو مبارکباد پیش کرتے ہوئے کہا ہےکہ وہ قوم کا فخر اور ہمارے قومی ہیرو ہیں۔ ڈی جی آئی ایس پی آر کی جانب سے جاری کیے گئے ٹویٹ میں آرمی چیف نے کہا کہ ارشد ندیم نے اپنی شاندار کارکردگی سےکامن ویلتھ گیمز میں نئی تاریخ رقم کی اور نیا ریکارڈ قائم کیا۔ارشد ندیم قوم کے فخر اور ہمارے قومی ہیرو ہیں۔

General Qamar Javed Bajwa, COAS congratulates Arshad Nadeem for creating history with his exceptional performance in #CWG setting a new record. "Arshad Nadeem is pride of the nation and our national Hero" COAS pic.twitter.com/oh1BY5R59h

- DG ISPR (@OfficialDGISPR) August 7, 2022

پاکستان کی مسلح افواج کی جانب سے بھی ارشد ندیم کو کامن ویلتھ گیمز میں شاندار کارکردگی کے مظاہرے اور جیولین تھرو میں پاکستان کے لیے گولڈ میڈل جیتنے پر مبارکباد پیش کی گئی ہے۔ ڈی جی آئی ایس پی آر نے اپنے ٹوئٹ میں ارشد ندیم کی غیر معمولی کارکردگی کو زبردست سراہتے ہوئے کہا کہ ارشد ندیم نے پاکستان کا سر فخر سے بلند کیا ہے۔ پاکستان زندہ باد۔

Pakistan Armed Forces congratulate Arshad Nadeem for an outstanding performance in #CWG and winning gold medal for Pakistan in Javelin Throw. Brilliant Arshad Nadeem, well done for making Pakistan proud.
Pakistan 🇵🇰 Zindabad

- DG ISPR (@OfficialDGISPR) August 7, 2022