مداح کی اچانک آمد پرشاہ رخ خان پریشان

شاہ رخ خان اوران کے مداح کی ویڈیو سوشل میڈیا پر وائرل ہوگئی

ویب ڈیسک August 08, 2022

آریان خان نے والد کو بحفاظت گاڑی تک پہنچایا:فوٹو:سوشل میڈیا

لاہور: بالی وڈ کے میگا اسٹار شاہ رخ خان اپنے ایک مداح کی اچانک آمد پرپریشانی کا شکار ہوگئے۔

بالی وڈ کے کنگ شاہ رخ خان کو بیرون ملک سے ممبئی واپسی پرغیرمتوقع صورتحال کا سامنا کرنا پڑا۔

بھارتی میڈیا کے مطابق شاہ رخ خان بیرون ملک شوٹنگ سے واپس ممبئی ائیرپورٹ پہنچے۔شاہ رخ خان ممبئی اپنے بیٹوں آریان خان اورابرام خان کے ساتھ جیسے ہی ممبئی ائیرپورٹ سے باہر نکلے ایک مداح نے اچانک ان کا ہاتھ زبردستی پکڑ لیا اورسلیفی بنانے کی کوشش کی۔

#ShahRukhKhan with family spotted at airport 🕺💃✈️ @viralbhayani77 pic.twitter.com/fxCOOjqB4O
— Viral Bhayani (@viralbhayani77) August 7, 2022

شاہ رخ خان مداح کی اچانک آمد سے گھبرا گئے۔ ایسے میں آریان اپنے والد کی مدد کو آگے بڑھے اوران کا بازوپکڑ گاڑی تک لے گئے۔ آریان خان نے یقینی بنایا کہ کوئی دوسرا شخص شاہ رخ خان تک نہ پہنچ سکے۔ شاہ رخ کے گھبرانے کی ویڈیو سوشل میڈیا پر وائرل ہوگئی۔