وزیر اعظم نواز شریف ایک روزہ دورے پر آج کراچی پہنچیں گے

وزیر اعظم کراچی میں امن و امان کی صورت حال خصوصاً لیاری کے مسئلے پر ایک اعلیٰ سطح کے اجلاس کی صدارت کریں گے۔ فوٹو؛فائل

---

وزیر اعظم نواز شریف ایک روزہ دورہ پر آج(جمعہ) کراچی پہنچیں گے،وزیر اعظم گورنر ہاؤس میں کراچی میں امن و امان کی صورت حال خصوصاً لیاری کے مسئلے پر ایک اعلیٰ سطح کے اجلاس کی صدارت کریں گے۔

اجلاس میں گورنر سندھ ڈاکٹر عشرت العباد خان ،وزیرا علیٰ سندھ سید قائم علی شاہ ،ڈی جی رینجرز ،آئی جی سندھ اور اعلیٰ حکام شرکت کریں گے ،وزیر اعظم کو کراچی آپریشن کے موجودہ اہداف ،آپریشنل پلاننگ ،گرفتاریوں اور لیاری کی موجودہ صورت حال پر بریفنگ دی جائے گی ،وزیر اعظم اس اجلاس میں کراچی آپریشن کی حکمت عملی کی تبدیلی کے حوالے سے اہم فیصلے کریں گے،وزیر اعظم اپنے دورے میں کراچی چیمبر آف کامرس کے تحت ایکسپورٹ ٹرافی ایوارڈ کی تقریب میں بھی شرکت کریں گے۔