اُروشی روٹیلا اور رشبھ پنٹ کی سوشل میڈیا پر لفظی جنگ شدت اختیار کرگئی

دونوں نے ایک دوسرے پر تنقید کے نشتر چلادیئے

ویب ڈیسک August 14, 2022

(فوٹو: ٹوئٹر) دونوں نے ایک دوسرے پر تنقید کے نشتر چلادیئے

بالی ووڈ اداکارہ اُروشی روٹیلا اور بھارتی کرکٹر رشبھ پنٹ کے درمیان سوشل میڈیا پر لفظی جنگ شدت اختیار کرگئی۔

بھارتی میڈیا کی رپورٹس کے مطابق اداکارہ اُروشی روٹیلا اور بھارتی کرکٹر کے مابین لفظی جنگ اس وقت شدت اختیار کرگئی جب گزشتہ دنوں ایک انٹرویو میں اداکارہ نے رشبھ پنٹ کی جانب اشارہ کرتے ہوئے دعویٰ کیا کہ ایک شخص جس کا نام آر پی ہے مجھ سے ملنے کے لیے ہوٹل آیا اور گھنٹوں تک میرا انتظار کرتا رہا۔

اداکارہ نے کہا کہ '' مسٹر مجھ سے دوبارہ ملنے کیلئے دہلی میں شوٹنگ کے دوران بھی آئے تاہم تقریباً 10 گھنٹے گزر جانے کے بعد میں اپنے کمرے میں جاکر سو گئی، میں نے کوئی فون کالز نہیں اٹھائی، جب میں اٹھی تو 16 کالز آئی ہوئی تھیں، مجھے کافی برا لگا کہ کسی کو مجھ سے ملنے کے لیے اتنا انتظار کرنا پڑا''۔

اداکارہ کے انٹرویو کے بعد بھارتی مڈل آرڈر بلے باز نے انسٹا گرام پر اسٹوری اَپ لوڈ کی تاہم بعد میں اسے ہٹادیا، پنٹ نے اپنی اسٹوری میں اُروشی کو مخاطب کرتے ہوئے لکھا کہ لوگ خبروں اور سستی شہرت حاصل کرنے کیلئے انٹرویوز میں جھوٹ بولتے ہیں، میرا پیچھا چھوڑ دو بہن۔

جس پر اُروشی روٹیلا نے ٹوئٹر پر جواب دیا کہ چھوٹے بھائی آپ کو کرکٹ کھیلنا چاہیے، میں کوئی مُنی نہیں ہوں جو ڈارلنگ تیرے لیے بدنام ہوجاؤں گی۔

قبل ازیں اُروشی روٹیلا نے دعویٰ کیا تھا کہ وہ اور رشبھ پنٹ ایک دوسرے کو ڈیٹ کررہے ہیں لیکن کرکٹر نے اس بات کو یکسر مسترد کردیا تھا۔

Chotu bhaiyaa should play bat ball 🏏. Main koyi munni nahi hoon badnam hone with young kiddo darling tere liyee
#Rakshabandhan Mubarak ho #RPChotuBhaiyya #Cougarhunter #donttakeadvantageofasilentgirl #love #UrvashiRautela #UR1 pic.twitter.com/AA3APRFViY
— URVASHI RAUTELA🇮🇳 (@UrvashiRautela) August 11, 2022