متحدہ عرب امارات میں ریت کا طوفان

آنے والے دنوں میں تیز ہواؤں اورطوفانی بارشوں سے نمٹنے کے لئے ایکشن پلان تیار کررہے ہیں، حکام:فوٹو:فائل

---

متحدہ عرب امارات(یو اے ای) کی مختلف ریاستوں میں ریت کے طوفان کے باعث حد نگاہ متاثر ہوئی۔

عرب میڈیا کے مطابق یواے ای کی مختلف ریاستوں میں ریت کے طوفان سے ٹریفک اور پروازوں کا شیڈول متاثر ہوا۔ دبئی اورابوظہبی میں حد نگاہ ایک کلومیٹر سے بھی کم ہوگئی۔

یواے ای کی وزارت داخلہ کی جانب سے جاری بیان میں لوگوں کو ڈرائیو کرتے وقت خصوصی احتیاط برتنے کی ہدایت کی گئی ہے۔حکام کا کہنا ہے کہ طوفان کے بعد متوقع تیز ہواؤں اوربارشوں سے نمٹنے کے لئے ایکشن پلان بنایا جا رہا ہے۔

وزارة الداخلية تدعو الأخوة السائقين إلى توخي الحيطة والحذر أثناء القيادة في الأحوال الجوية الغير مستقرة للوصول بأمان

Due to the unstable weather conditions, the Ministry of Interior calls on drivers to be cautious while driving.

  #الامارات_أمن_وأمان #uae_safe pic.twitter.com/rCZmrv51nU

— وزارة الداخلية (@moiuae) August 14, 2022

حکام نے مختلف علاقوں کے لئے ریڈ الرٹ جاری کردیا ہے اور لوگوں کو انتہائی ضرورت کے وقت ڈرائیونگ کرنے کی ہدایت کی گئی ہے۔

گزشتہ ماہ یو اے ای کی جنوبی اور مشرقی ریاستوں میں طوفانی بارشوں اور سیلاب سے متعدد افراد ہلاک ہوگئے تھے۔