ٹھٹھہ لیاری گینگ وار کے کارندے سمیت 5 خطرناک ملزم گرفتار

ایس ایس پی کی سربراہی میں پولیس کے مختلف مقامات پر چھاپے، اسلحہ، گرفتار شدگان کراچی میں قتل ودیگر مقدمات میں مطلوب تھے۔ فوٹو فائل

---

پولیس نے ٹھٹھہ کے مختلف علاقوں میں چھاپے مار کر لیاری گینگ وار کے کارندے سمیت 5 خطرناک ملزمان کو گرفتار کرکے اسلحہ اور چرس برآمد کرلی۔

تفصیلات کے مطابق ایس ایس پی ٹھٹھہ عبدالحسیب بیگ اور اے ایس پی ڈاکٹر اسد نے پولیس کی بھاری نفری کے ہمراہ ٹھٹھہ کے مختلف مقامات پر چھاپے مار کر صدام شیخ جو لیاری گینگ وار کا کارندہ بتایا جاتا ہے، علی حسن بکک،اصغر عرف پپی بھٹو، شہباز بکک اور آصف بکک کو گرفتار کرکے ایک کلو گرام چرس ، ایک پستول اور ایک شارٹ گن برآمد کر لی ہے۔ پولیس کے مطابق ملزمان کراچی اور دیگر علاقوں میں اغوا، قتل اور دیگر مقدمات میں پولیس کو مطلوب تھے۔