وزیرخزانہ کی پیٹرول کی قیمت میں اضافے پربریفنگ کابینہ کا اظہار اطمینان

حکومت نے گزشتہ روز پیٹرول کی قیمت میں 6 روپے 72 پیسے فی لیٹر اضافہ کیا تھا

ویب ڈیسک August 16, 2022

وزیرخزانہ کابینہ اجلاس کے بعد پیٹرولیم مصنوعات کی قیمت میں اضافے پر میڈیا کو بریفنگ دیں گے:فوٹو:فائل

ISTANBUL: وزیرخزانہ مفتاح اسماعیل نے وفاقی کابینہ کو پیٹرول کی قیمت میں اضافے سے متعلق بریفنگ دی۔

اسلام آباد میں ہونے والے کابینہ کے اجلاس میں وزیرخزانہ مفتاح اسماعیل نے کابینہ کو پیٹرول کی قیمت میں اضافے پر بریفنگ دی۔ تفصیلی بریفنگ کے بعد کابینہ نے اظہار اطمینان کیا۔۔

اس سے قبل وفاقی وزیر خزانہ مفتاح اسماعیل نے بیان میں کہا تھا کہ حکومت پیٹرولیم مصنوعات پر نقصان برداشت کرسکتی ہے اور نہ ہی سبسڈی دے سکتی ہے۔حکومت نے گزشتہ روز پیٹرول کی قیمت میں 6 روپے 72 پیسے فی لیٹر اضافے کا اعلان کیا تھا۔

وزارت خزانہ کے اعلامیہ کے مطابق 6 روپے 72 پیسے فی لیٹر اضافے کے بعد پیٹرول کی نئی قیمت 233 روپے 91 پیسے فی لیٹر ہوگئی ہے۔نوٹی فکیشن کے مطابق لائٹ ڈیزل 43 پیسے فی لیٹر مہنگا کردیا گیا جس کے بعد لائٹ ڈیژل آئل کی قیمت 191.32 روپے سے بڑھا کر191.75 روپے فی لیٹر ہوگئی۔