حدیقہ کیانی کے’بوہے باریاں‘ کے سرحد پار بھی چرچے

یومِ آزادی پاکستان کے موقع پر چینی ٹیچر مس وکی نے شاندار پرفارمنس دی(اسکرین شاٹ)

---

یومِ آزادی پر پاکستانی گلوکارہ حدیقہ کیانی کا مشہور گانا 'بوہے باریاں' گنگنانے والی چینی ٹیچر کی ویڈیو سوشل میڈیا پر وائرل ہوگئی۔

مذکورہ ویڈیو پاکستان کے سفیر معین الحق نے اپنے ٹوئٹر اکاؤنٹ سے شیئر کی ہے جس میں چین کے دارالحکومت بیجنگ میں واقع پاکستان ایمبیسی کالج کی ایک میوزک ٹیچر 'بوہے باریاں' گنگناتی نظر آرہی ہیں۔

Pakistan Embassy College Beijing music teacher Ms. Vicky performing the iconic song 'Buhe Bariyan' of @Hadiqa_Kiani at the Pakistan Food and Cultural Festival organized by Embassy to mark 75th Independence of Pakistan at Silk Road International Arts Centre.@PkPublicDiplo pic.twitter.com/hnWOY3xLlM

- Moin ul Haque (@PakAmbChina) August 17, 2022

یہ ویڈیو سوشل میڈیا پر تیزی سے وائرل ہورہی ہے جبکہ صارفین چینی ٹیچر کو اس قدر سریلی آواز میں پنجابی گانا گاتا دیکھ کر حیران ہیں۔

یاد رہے کہ چین میں موجود پاکستانی سفارت خانےکی جانب سے پاکستان کی 75 ویں یوم آزادی کے موقع پر پاکستان فوڈ اینڈ کلچرل فیسٹیول کی تقریب کا اہتمام کیا گیا تھاجس میں چینی ٹیچر مس وکی نے شاندار پرفارمنس دی ۔