امریکی کمانڈر دہشت گردی کے خلاف جنگ میں پاک فوج کے کردار کے معترف
کمانڈر یو ایس سینٹ کام جنرل مائیکل ایرک کریلا نے چیف آف آرمی سٹاف جنرل قمر جاوید باجوہ سے ون آن ون ملاقات بھی کی
کمانڈر یو ایس سینٹ کام جنرل مائیکل ایرک کریلا کی سربراہی میں ایک وفد نے راولپنڈی میں جنرل ہیڈ کوارٹرز (جی ایچ کیو) کا دورہ کیا اور چیف آف آرمی سٹاف جنرل قمر جاوید باجوہ سے ون آن ون ملاقات کی۔
پاک فوج کے شعبہ تعلقات عامہ (آئی ایس پی آر) کے مطابق ملاقات میں باہمی دلچسپی کے امور، علاقائی سلامتی کی صورتحال اور دفاعی اور سیکیورٹی میں تعاون بالخصوص عسکری تعلقات پر تبادلہ خیال کیا گیا۔ آئی ایس پی آر کے مطابق ون آن ون کال کے بعد وفد کی سطح کی میٹنگ ہوئی۔
آئی ایس پی آر کا کہنا ہے کہ ملاقات کے دوران پاک فوج کی انسداد دہشت گردی کی کوششوں اور علاقائی امن و استحکام کے لیے اہم کردار پر تبادلہ خیال کیا گیا۔ اس میں مزید کہا گیا کہ پاکستان امریکہ فوجی تربیتی تبادلے کا پروگرام بھی زیر بحث آیا۔
عسکری شعبہ تعلقات کے مطابق وفد نے دہشت گردی کے خلاف جنگ میں پاک فوج کی قابل ستائش کوششوں، انسداد دہشت گردی کے تجربات اور علاقائی امن و استحکام کے لیے کوششوں کو سراہا۔ بعد ازاں وفد نے آرمی میوزیم کا بھی دورہ کیا