دراز نے فہد مصطفٰی اور ماہرہ خان کی فلم 20 روپے میں کیوں فروخت کی

دراز نے قائدِاعظم زندہ باد کو 20 روپے میں فروخت کرنے کی وضاحت دی ہے

ویب ڈیسک August 20, 2022

’قائد اعظم زندہ باد‘ کو عید الاضحیٰ پر ریلیز کیا گیا تھا(فائل فوٹو)

آن لائن ریٹیلر اسٹور 'دراز' نے 20 روپے میں فلم 'قائدِاعظم زندہ باد' فروخت کرنے کی وضاحت پیش کر دی ہے۔

گزشتہ روز پاکستان کی سپر اسٹار ماہرہ خان اور فہد مصطفیٰ کی فلم قائدِاعظم زندہ باد کی دراز پر 20 روپے کی فروخت دیکھ کرفلم سازنبیل قریشی نے اظہارِ برہمی کیا تھا۔

نبیل قریشی نے ٹوئٹ میں لکھا 'ان کی فلم جو ابھی تک سینما ہالز میں دکھائی جا رہی ہے، اس کی چوری شدہ کاپی کو غیر قانونی طور پر دراز پر محض 20 روپے میں فروخت کیا جا رہا ہے'۔

This is criminal ! @darazpk is selling our film #quaideazamzindabad pirated version Officially on their website, while the film is playing in cinemas across pakistan, this is damaging the cinema and film industry, its alarming @FilmwalaP going to take strict action against it. pic.twitter.com/8RMMYLCtH1

- Nabeel Qureshi (@nabeelqureshi) August 18, 2022

ان کا کہنا تھا کہ' اس طرح غیر قانونی طرح سے فلم کی دراز پر فروخت کی وجہ سے فلم انڈسٹری کو نقصان پہنچے گا اور پروڈکشن ہاؤس درا ز کیخلاف قانونی کارروائی کرے گا'۔

فلم ساز کے علاوہ اس کی پروڈیوسر فضا علی مرزا سمیت قائدِاعظم زندہ باد میں ہیروئن کا کردار ادا کرنے والی ماہرہ خان نے بھی ٹوئٹر پر دراز کو ٹیگ کرتے ہوئے اظہارِ برہمی کیا۔

We don't make films worth millions of rupees to sell them @darazpk Shame on people who support piracy and buy pirated films. We must set an example for future safety.. will take legal action against #daraz.pk https://t.co/5pazHYXe1H - Fizza Ali Meerza (@fizza999) August 18, 2022

تاہم دراز نے اس پر ردِعمل دیتے ہوئے وضاحت پیش کر دی ہے آن لائن ریٹیلر اسٹور کے مطابق پلیٹ فارم پر ایک سیلر (دکاندار) نے 'قائد اعظم زندہ باد' کی کاپی کو غیر قانونی طور پر فروخت کے لیے پیش کیا تھا۔

دراز کی جانب سے کہا گیا ہے کہ معاملے کا علم ہونے پر انتظامیہ نے 'قائد اعظم زندہ باد' کو فروخت ہونے والی اشیا کی فہرست سے خارج کردیا۔

Oh my GOD! This is absolutely ridiculous!! @darazpk !! https://t.co/IHEKC1Oyfj

- Mahira Khan (@TheMahiraKhan) August 18, 2022

ساتھ ہی واضح کیا کہ دراز اس طرح کے غیر قانونی کاموں اور ضوابط کی خلاف ورزیوں کو سپورٹ نہیں کرتا۔

یاد رہے کہ'قائد اعظم زندہ باد' کو عید الاضحیٰ پر ریلیز کیا گیا تھا، جس نے ایک ماہ میں 50 کروڑ سے زائد کا بزنس کیا فلم میں فہد مصطفیٰ نے سندھ پولیس کے افسر گلاب کا کردار ادا کیا تھا جبکہ ماہرہ خان پہلی بار ان کے ساتھ بطور ہیروئن دکھائی دی تھیں۔