ایشیاکپ سری لنکا کے تین اہم کھلاڑی ان فٹ

انجریز کے باعث اسکواڈ سے باہر

Sports Reporter August 20, 2022

(فوٹو: ٹوئٹر) انجریز کے باعث اسکواڈ سے باہر

ایشیاکپ سے پہلے سری لنکن ٹیم کو فٹنس مسائل نے گھیر لیا، اعلان کردہ ٹیم کے دو کھلاڑی انجریز کی وجہ سے ٹیم سےباہر ہوگئے۔

سری لنکن میڈیا کی رپورٹ کے مطابق فاسٹ بولر بینورا فرنینڈو اور اور کاسن راجیٹھا کا نام ایشیا کپ کے لیے ٹی20 اسکواڈ میں شامل تھا تاہم اب دونوں پلئیرز انجریز کی وجہ سے ایشیا کپ سے باہر ہوگئے ہیں جبکہ ڈیشمنتھا چیمیرا کی بھی ایونٹ میں شرکت مشوک ہے۔

مزید پڑھیں: ایشیا کپ؛ کوالیفائرز کی جنگ آج اومان میں چھڑے گی

دوسری جانب انجریز کے شکار کھلاڑیوں کی جگہ ایشیٹھا فرننینڈو اور پرامود مڈسنیھا کی ٹیم میں شرکت متوقع ہے۔

واضح رہے کہ سری لنکا کی میزبانی میں ایشیا کپ کا آغاز 27 اگست سے متحدہ عرب امارات (یو اے ای) میں ہورہا ہے، ایونٹ میں لنکن ٹائیگرز اپنا پہلا میچ افغانستان کےخلاف کھیلے گی جس کے بعد انہیں پاکستان اور بھارت جیسی مضبوط ٹیموں کا چیلنج درپیش ہوگا۔

مزید پڑھیں: پاکستان سے میچ بھارت کے اعصاب پر سوار

یاد رہے کہ ایشیا کپ کوالیفائرز کا آغاز آج سے اومان کے امارات کرکٹ گراؤنڈ میں ہوگا، جس میں یو اے ای،کویت،سنگا پور،ہانگ کانگ کی ٹیمیں ایک دوسرے کے مدمقابل ہوں گی۔