شہباز گل اسپتال سے ڈسچارج بطور احتجاج کھانا کھانے کی ویڈیو بھی سامنے آگئی

شہباز گل کی تمام کلینکل رپورٹس تسلی بخش ہیں، ڈاکٹرز

ویب ڈیسک August 22, 2022

شہباز گل کی تمام کلینکل رپورٹس تسلی بخش ہیں، ڈاکٹرز

تحریک انصاف کے چیئرمین عمران خان کے چیف آف اسٹاف شہباز گل کی پمز اسپتال میں کھانا کھاتے ہوئے ایک اور ویڈیو جاری کردی گئی۔

نئی ویڈیو میں بھی شہباز گل ڈاکٹرز سے تکرار کرتے نظر آرہے ہیں۔ شہباز گل کہہ رہے ہیں کہ میں نے ناشتہ کر لیا، زیادہ نہ کھلاؤ، آپ بھی اتنا ہی کھاتے پیتے ہو، اب آپ کو پیچھے سے حکم ملا ہے تو یہ کررہے ہیں۔

شہباز گل نے کہا کہ میں بطور احتجاج کھا رہا ہوں، آپ زبردستی کررہے ہیں، میری مرضی ہے کہ میں نے کھانا کھانا ہے یا نہیں، میں شوگر کا مریض ہوں،جوس نہیں پی سکتا، دلیہ کھا لیا، جوس پی لیا اور نہیں کھا سکتا، میں لسی نہیں پی سکتا، پیٹ خراب ہوجاتا ہے۔

شہباز گل کی نئی ویڈیو جاری کردی گئی۔۔!!pic.twitter.com/SkTzrNA9yv
— Mughees Ali (@mugheesali81) August 22, 2022

شہباز گل نے کہا کہ آپ نے مجھے پکڑ کر میری داڑھی صاف کرا دی،یہ درست نہیں ہے، یہ میرے ساتھ زبردستی کررہے ہیں،آپ ہراساں کرکے مجھے کھلا رہے ہیں۔

شہباز گل کو پمز ہسپتال سے فارغ کردیا گیا

علاوہ ازیں شہباز گل کو پمز ہسپتال سےڈسچارج کر دیا گیا ہے۔ ڈاکٹرز نے کہا ہے کہ شہباز گل کی تمام کلینکل رپورٹس تسلی بخش ہیں ، انہیں سانس لینے میں کوئی دشوار ی نہیں، میڈیکل بورڈ نے کلینکل رپورٹس کاجائزہ لینے کے بعد ڈسچارج کرنے کافیصلہ کیا۔