حکومت کا نوجوانوں کیلیے لیپ ٹاپ اسکیم دوبارہ شروع کرنے کا اعلان

وزیر اعظم کی معان خصوصی برائے امور نوجوانان شزا فاطمہ خواجہ نے بتایا ہے کہ وزیراعظم لیپ ٹاپ اسکیم دوبارہ شروع کی جا رہی ہے۔

کراچی میں نجی یونیورسٹی کے کنونشن سے خطاب کرتے ہوئے معاون خصوصی نے کہا کہ ایک لاکھ نوجوانوں کو میرٹ بیس پر لیپ ٹاپ فراہم کیے جائیں گے، حکومت انڈرگریجویٹ نوجوانوں کے لیے انٹرن شپ پروگرام کا آغاز کر چکی ہے۔


شزا فاطمہ خواجہ نے کہا کہ ڈاؤ یونیورسٹی دنیا بھر کی بہترین 600 جامعات اور ایشیائی 400 جامعات میں شامل ہے۔

واضح رہے کہ 2018 سے قبل مسلم لیگ کی حکومت نے لیپ ٹاپ اسکیم متعارف کرائی تھی، جس کے تحت میرٹ پر اترنے والے مختلف جامعات کے طالب علموں کو لیپ ٹاپ فراہم کیے گئے تھے۔