عالیہ بھٹ کا ’نیپو کڈ‘ کے نام پر تنقید کرنے والوں کو کرارا جواب

اداکارہ کو اکثر بھٹ خاندان کی رکن ہونے کی وجہ سے ٹرولز کا سامنا کرنا پڑتا ہے، فوٹو: انسٹاگرام

---

بالی وڈ کی معروف اداکارہ عالیہ بھٹ نے 'نیپو کڈ' کے نام سے تنقید پر خاموشی توڑتے ہوئے کہا ہے کہ جو لوگ مجھے پسند نہیں کرتے وہ مجھے نہ دیکھیں۔

اپنی بہترین اداکاری کے لئے مشہور اداکارہ کو اکثر بھٹ خاندان کی رکن ہونے کی وجہ سے تنقید کا سامنا کرنا پڑتا ہے اور انہیں صارفین 'نیپو کڈ' کے طور پر مخاطب کرتے ہیں۔

عالیہ بھٹ ان دنوں اپنی آنے والی فلم 'برہماسترا' کی ریلیز کی تیاریوں میں مصروف ہیں۔

View this post on Instagram

A post shared by Alia Bhatt ☀️ (@aliaabhatt)

ایک نیوز پورٹل سے گفتگو میں عالیہ نے ناقدین کو مخاطب کرتے ہوئے کرینہ کپور کا تاریخی جملہ دہرایا 'اگر آپ مجھے پسند نہیں کرتے تو مجھے نہ دیکھیں'۔ اداکاری نے جملہ ادا کرتے ہوئے اس عزم کا اعادہ بھی کیا۔

انہوں نے مزید کہا ہے کہ 'میں زبانی طور پر اپنا دفاع نہیں کر سکتی۔ اور اگر آپ مجھے پسند نہیں کرتے تو مجھے نہ دیکھیں۔ یہ تنقید میری برداشت سے باہر ہے اور جو چیز برداشت سے باہر ہوجائے میں اُس کے بارے میں کچھ نہیں کرسکتی۔

عالیہ بھٹ کا کہنا تھا کہ لوگوں کو ہمیشہ کچھ نہ کچھ کہنا ہوتا ہے. امید ہے کہ میں اپنی فلموں سے یہ بات ثابت کروں گی کہ میں دراصل اس مقام کے قابل ہوں جو میں نے اپنی صلاحیتوں کی وجہ سے حاصل کیا ہے۔