پسند کی شادی کرنے والا جوڑا تحفظ کیلئے سندھ ہائیکورٹ پہنچ گیا

نوشہرو فیروز سے تعلق رکھنے والے نوبیاہتا جوڑے بشیر اور سومل نے جانی تحفظ کیلئے سندھ ہائیکورٹ سے رجوع کیا ہے۔

اپنی درخواست میں جوڑے نے کاروکاری سے قتل کا خدشہ بھی ظاہر کیا ہے۔

درخواست میں جوڑے نے یہ موقف اپنایا ہے کہ انہوں نے خیرپور عدالت میں پسند کی شادی کی ہے اور ان کے رشتے دار ان کو نقصان پہنچانا چاہتے ہیں۔


جوڑے نے درخواست میں اس خدشے کا بھی اظہار کیا کہ انہیں کاروکاری کا الزام لگا کر قتل کیا جاسکتا ہے۔

انہوں نے کنڈیارو اور بھریہ سٹی پولیس پر الزام لگایا کہ وہ انہیں رشتہ داروں کے ایما پر تنگ کررہی ہے۔

جوڑے نے عدالت سے استدعاکی ہے کہ انہیں مکمل تحفظ فراہم کیا جائے۔