عدلیہ کو دھمکی رانا ثنا اللہ کے خلاف مقدمہ اندراج کی درخواست دائر

وفاق میں پی ٹی آئی قیادت کے خلاف ایف آئی آرز کے بعد راولپنڈی کے تھانہ گوجر خان میں وزیر داخلہ رانا ثناءاللہ کے خلاف مقدمہ درج کرنے کی درخواست جمع کرا دی گئی۔

ایکسپریس نیوز کے مطابق وفاق میں پاکستان تحریک انصاف کے رہنماؤں کے خلاف دی جانے والی ایف آئی آرز کے بعد پنجاب پولیس کو وفاقی وزراء کے خلاف مقدمات کے اندراج کے لیے درخواستیں دینے کا سلسلہ شروع ہوگیا۔

ذرائع کا کہنا ہے کہ تھانہ گوجر خان راولپنڈی میں وزیر داخلہ رانا ثناء اللہ کو نامزد کرکے اندراج مقدمہ کی درخواست جمع کرادی گئی، درخواست سابق کونسلر وارڈ 3 ملک محمد بشیر نے دی۔


درخواست نے مؤقف اختیار کیا کہ 29 جنوری کو نجی چینل کو انڑویو دیتے ہوئے رانا ثناء الله نے چیف سیکرٹری پنجاب سمیت دیگر حکام اور عدلیہ کو دھمکیاں دیں تھیں اور کہا تھا کہ سب نے پاکستان میں رہنا ہے حساب کتاب ضرور لوں گا و سزا دوں گا ساری زندگی یاد رکھیں گے۔

درخواست گزار ملک محمد بشیر کا کہنا ہے کہ میں بھی دھمکیوں سے دہشت زدہ یوگیا اب بھی ائے روز بیان دیتے رہتے ہیں لہذا مقدمہ درج کیا جائے۔

اس حوالے سے پنجاب پولیس کا کہنا ہے کہ درخواست موصول ہوئی قانونی رائے لیکر ہی کوئی فیصلہ کیا جائے گا۔