پاکستان کے دشمنوں کا صفایا کرنے کیلئے ’ضرار‘ میدان میں اتر آیا

اداکار شان شاہد نے فلم میں آئی ایس آئی کے ایک جاسوس کا کردار ادا کیا ہے، فوٹو: انسٹاگرام

---

پاکستان فلم انڈسٹری کے سپراسٹار شان کی دھماکے دار فلم 'ضرار' اگلے ماہ 23 ستمبر کو سینماؤں کی زینت بنے گی۔

فلم 'ضرار' کا شائقین کو کافی عرصے سے انتظار تھا۔ فلم کا ٹریلر دو برس قبل 2020 میں جاری کیا گیا تھا۔



اداکار شان نے فلم کی ریلیز کا اعلان اپنے ٹوئٹر ہینڈل پر کیا۔ انہوں نے لکھا کہ 'ضرار' کا انتظار ختم ہوا، فلم 23 ستمبر کو ریلیز ہوگی۔

#zarrar the wait is over .. releasing 23rd September 2022. InshaALLAH ♥️🇵🇰🎥 pic.twitter.com/PM4BYoNBOq

- Shaan Shahid (@mshaanshahid) August 23, 2022

فلم ایک جاسوسی تھرلر ہے، ہمیں ٹریلر سے پتہ چلتا ہے کہ پاکستان دشمنوں کے نرغے میں ہے اور وہ پاکستان کے ایٹمی اثاثوں پر قبضہ کرنا چاہتے ہیں۔

اداکار شان شاہد نے فلم میں آئی ایس آئی کے ایک جاسوس کا کردار ادا کیا ہے جو پاکستان کو دشمنوں کی سازشوں سے بچانے کی کوششوں میں مصروف ہے۔

فلم میں بہترین ایکشن مناظر موجود ہیں جو شائقین کو بہت زیادہ تفریح فراہم کریں گے۔