راجو شری واستو کی صحت سنبھل رہی ہے بھائی کا دعویٰ

راجو کی حالت بہتر ہورہی ہے اور عنقریب ان کی صحت کے حوالے سے ہمیں خوش خبری کی توقع ہے، بھائی

ویب ڈیسک August 24, 2022

دیپو شری واستو نے ان خبروں کی تردید کی ہے کہ کامیڈین کو وینٹی لیٹر سے ہٹایا جارہا ہے، فوٹو: ٹوئٹر

موت اور زندگی کی کشمکش میں مبتلا بھارتی کامیڈین اداکار راجو شری واستو کے بھائی نے دعویٰ کیا ہے کہ اسٹار کامیڈین کی صحت سنبھل رہی ہے۔

دیپو شری واستو نے ان خبروں کی تردید کی ہے کہ کامیڈین کو وینٹی لیٹر سے ہٹایا جارہا ہے لیکن ساتھ ہی انہوں نے اس بات بھی زور دیا کہ ان کے بھائی کی حالت بہتر ہورہی ہے اور عنقریب ان کی صحت کے حوالے سے ہمیں خوش خبری کی توقع ہے۔

واضح رہے کہ چند روز سے یہ خبر میڈیا میں گردش کررہی ہے کہ راجو شری واستو دماغی طور پر مردہ ہوچکے ہیں۔

ان کے بھائی نے کامیڈین کے برین ڈیڈ ہونے کی مکمل طور پر تردید کرتے ہوئے کہا تھا کہ ان کا بھائی ایک فائٹر ہے اور وہ جلد فاتح بن کر آئے اور لوگوں کو تفریح فراہم کرے گا۔