لینڈ سلائیڈنگ کے باعث سوات ایکسپریس وے جزوی طور پر بند
سوات سے آنے والی ٹریفک چکدرا کے مقام پر بند کر دی گئی
لینڈ سلائیڈنگ کی وجہ سے سوات ایکسپریس وے پلائی کے مقام پر جزوی طور پر بند کر دی گئی۔
ترجمان موٹروے کے مطابق سڑک بند ہونے کی وجہ سے اسلام آباد اور پشاور سے آنے والی ٹریفک کو موٹروے پولیس کی جانب سے پلائی انٹر چینج سے آؤٹ کروایا جا رہا ہے جبکہ سوات سے آنے والی ٹریفک چکدرا کے مقام پر بند کر دی گئی۔
سڑک کی صفائی کا کام شروع کر دیا گیا ہے، عوام سے درخواست ہے کہ موسمی حالات کے پیش نظر غیر ضروری سفر سے گریز کریں۔
سفر شروع کرنے سے پہلے یا کسی مدد کی صورت میں موٹروے پولیس ہیلپ لائن 130 سے رابطہ کیا جا سکتا ہے۔