امریکا نائجیریا کے سابق حکمران کی لوٹی گئی 23 ملین ڈالرکی رقم واپس کرے گا

لوٹی گئی رقم کی واپسی کے لئے امریکا اور نائیجریا میں معاہدہ ہوگیا

ویب ڈیسک August 26, 2022

نائیجریا کے سابق حکمران نے اپنے دور اقتدار میں عوامی فنڈز میں خرد برد کی:فوٹو:فائل

امریکا نائجیریا کے آنجہانی فوجی حکمران کی جانب سے لوٹی گئی 23 ملین ڈالر کی رقم واپس کرے گا۔

امریکی میڈیا کے مطابق امریکا نائیجریا کے سابق فوجی حکمران سانی آباچا کی جانب سے لوٹی گئی 23ملین ڈالرکی رقم واپس کرے گا۔ رقم کی واپسی کے لئے نائجیریا اور امریکا کے درمیان متعدد معاہدے ہوگئے ہیں۔

سانی آباچا تیل برآمد کرنے والے دنیا کے بڑے ممالک میں شامل نائجیریا کے 1993 سے 1998 میں اپنی موت تک حکمران رہے۔ انہوں نے اپنے دور اقتدار میں 5 بلین ڈالر کی رقم جو عوام نے مختلف سرکاری ٹیکسز اورمنصوبوں کی مد میں ادا کی اپنے ذاتی استعمال میں لی۔ سانی آباچا پر عوامی رقم کے غلط استعما ل پرکبھی فرد جرم عائد نہیں کی گئی۔

نائجیریا کے حکام کا کہنا ہے کہ سابق حکمران کی لوٹی گئی رقم واپس ملنے پر ملک میں انفرااسٹرکچر کی تعمیر پر خرچ کی جائے گی۔