ویرات کوہلی کی انجری کے شکار شاہین سے ملاقات ویڈیو وائرل

(فوٹو: اسکرین شارٹ) فخر زمان، شاداب خان اور محمد نواز کی بھی سری لنکن کھلاڑیوں کے ساتھ گپ شپ

---

ایشیاکپ کے آغاز سے قبل پریکٹس سیشن کے دوران سابق بھارتی کپتان ویرات کوہلی نے انجری کا شکار ہونے والے قومی فاسٹ بولر شاہین آفریدی سے ملاقات کی ہے۔

انٹرنیشنل کرکٹ کونسل (آئی سی سی) کرکٹ اکیڈمی میں بھارتی ٹیم پریکٹس کیلئے گراؤنڈ میں آئی تو پاکستانی فاسٹ بولر شاہین آفریدی سے ملاقات ہوئی، اس دوران ویرات کوہلی کے علاوہ یوزویندر چہل، رشبھ پنت، اور کے ایل راہول نے شاہین کی خیریت دریافت کی۔

مزید پڑھیں: ایشیاکپ میں پاکستان نے بھارت کو کتنی مرتبہ شکست دی؟

پی سی بی نے کھلاڑیوں کی گرمجوشی سے ایک دوسرے کو مبارکباد دینے اور گپ شپ کرنے کی ایک چھوٹی سی ویڈیو سماجی رابطے کی سائٹ ٹوئٹر پر شیئر کی ہے۔ جس فخر زمان، شاداب خان اور محمد نواز بھی سری لنکن کھلاڑیوں کے ساتھ گپ شپ کرتے نظر آرہے ہیں۔

شاہین آفریدی انجری کے باعث ٹورنامنٹ سے باہر ہوگئے ہیں تاہم انکی جگہ اسکواڈ میں محمد حسنین کو موقع دیا گیا ہے۔

مزید پڑھیں: انجری کے باعث شاہین آفریدی ایشیاکپ اور انگلینڈ کیخلاف سیریز سے باہر

 

واضح رہے کہ روایتی حریف ایشیاکپ میں 28 اگست کو ایک دوسرے کے مدمقابل ہوں گے، گزشتہ سال کھیلے گئے آئی سی سی ٹی20 ورلڈکپ میں پاکستان نے بھارت کو 10 وکٹوں سے شکست دی تھی۔

Stars align ahead of the #AsiaCup2022 🤩

A high-profile meet and greet on the sidelines 👏 pic.twitter.com/c5vsNCi6xw

— Pakistan Cricket (@TheRealPCB) August 25, 2022