سلمان خان کی نئی فلم ’کسی کا بھائی کسی کی جان‘ کی پہلی تصویر جاری
سلمان خان، بالی وڈ سپر اسٹار شاہ رخ خان کی فلم ’پٹھان‘ میں کامیو شوٹ بھی دیں گے۔
سلمان خان نے اپنے بالی وڈ کیریئر کا آغاز 1988 میں فلم ’بیوی ہوتو ایسی‘ سے کیا تھا، فوٹو: ٹوئٹر
بالی وڈ سپراسٹار سلمان خان نے اپنی نئی فلم ''کسی کا بھائی، کسی کی جان'' کی پہلی تصویر ٹویٹر پر جاری کردی۔
تصویر میں سلمان خان کے سر کے بال کندھوں تک لمبے ہیں اور انہوں نے دھوپ کے چشمے لگائے ہوئے ہیں۔
تصویر میں سلمان خان کے سر کے بال کندھوں تک لمبے ہیں اور انہوں نے دھوپ کے چشمے لگائے ہوئے ہیں۔
واضح رہے کہ دبنگ ادارکار کے ہندی سینما میں 34 برس مکمل ہوچکے ہیں۔
سلمان خان نے اپنے بالی وڈ کیریئر کا آغاز 1988 میں فلم 'بیوی ہوتو ایسی' سے کیا تھا جس میں ریکھا، فاروق شیخ اور بندو کے مرکزی کردار تھے۔
نئی فلم 'کسی کا بھائی، کسی کی جان' کے ساتھ ساتھ سلمان خان، بالی وڈ سپر اسٹار شاہ رخ خان کی فلم 'پٹھان' میں کامیو شوٹ بھی دیں گے جبکہ وہ 'ٹائیگر3' میں کترینہ کیف کے ساتھ بھی نظر آئیں گے۔