24 یونین کونسلوں میں انسداد پولیو مہم کا تیسرا مرحلہ مکمل

حساس ترین24 یونین کونسلوں میں پولیو سے بچائو کے قطرے پلانے کے لیے رضاکاروں کو سخت سیکیورٹی فراہم کی گئی. فوٹو:فائل

---

کراچی میں اتوار کو 24 یونین کونسلوں میں انسداد پولیو مہم کا تیسرا مرحلہ مکمل کر لیا گیا تاہم اورنگی ٹاؤن کی یوسی2 میں مہم شروع نہیں کی جاسکی۔

انسداد پولیو مہم کے دوران پولیو رضاکاروںکی حفاظت کے لیے مسلح پولیس اہلکاروں نے ٹیموںکے ہمراہ گھر گھر جا کر بچوںکوپولیو سے بچائو کے قطرے پلوائے، کراچی کی حساس ترین24 یونین کونسلوں میں بچوں کو پولیو سے بچائو کے قطرے پلانے کے لیے رضاکاروں کو پولیس کی جانب سے سخت سیکیورٹی فراہم کی گئی۔