بیوی سے تعلقات کا شبہ 24 سالہ نوجوان کو قتل کرنے والا ملزم گرفتار

(فوٹو: ایکسپریس نیوز) مقتول کے والد کی مدعیت میں نامزد ملزم سمیت 2 افراد کیخلاف مقدمہ درج کیا گیا تھا

---

پنجاب کے علاقے باغبانپورہ میں دو روز قبل 24 سالہ شہری علی رضا کو فائرنگ سے قتل کرنے والا مرکزی ملزم کو اسلحہ سمیت گرفتار کرلیا گیا۔

پولیس کے مطابق باغبانپورہ میں دو روز قبل شہری کو قتل کرنے والے مرکز ی ملزم عرشمان کو گرفتار کرلیا گیا ہے، ایس پی کینٹ عیسی سکھیرا نے ملزم کی گرفتار کیلئے خصوصی ٹیم تشکیل دی تھی۔

ایس پی کینٹ کا کہنا تھا کہ قتل میں ملوث دیگر ملزمان کو بھی گرفتار کر لیا جائے گا۔

پولیس کا کہنا ہے کہ گرفتار ملزم عرشمان کو شک تھا کہ مقتول علی رضا کے اسکی بیوی کے ساتھ ناجاٸز تعلقات ہیں، اس بنیاد پر اس نے مقتول کو فائرنگ کرکے قتل کردیا۔

واضح رہے کہ مقتول کے والد کی مدعیت میں نامزد ملزم عرشمان اور 2 نامعلوم ملزمان کے خلاف مقدمہ درج کیا گیا تھا۔