پاک بھارت ٹاکرا سٹے باز متحرک بھارت کو فیورٹ قرار دے دیا

(فوٹو: ٹوئٹر) پولیس بھی سٹے بازوں کے خلاف کریک ڈاؤن کیلئے پُرعزم

---

پاکستان اور بھارت کی ٹیمیں آج ایشیاکپ میں ایک دوسرے کے مدمقابل آئیں گی تاہم اس قبل سٹے باز متحرک ہوگئے ہیں۔

ایکسپریس نیوز کے مطابق ایشیاکپ میں پاک بھارت میچ کیلئے سٹے بازوں اور بُک میکرز نے بھارت کو فتح کے لیے ہارٹ فیورٹ قرار دے دیا ہے۔

بُک میکرز نے پاک بھارت میچ پر سٹہ کھیلنے کیلئے شہر میں متعدد ہوٹلوں اور گیسٹ ہاوسز پر پناہ لے رکھی ہے، جہاں انہوں نے بھارت کی جیت کا بھاؤ 50 پیسے جبکہ پاکستان کی جیت کا ریٹ 2 روپے مقرر کیا ہے۔

مزید پڑھیں: پاک بھارت میچ: قومی ٹیم آج سیاہ پٹیاں باندھ کر میدان میں اترے گی

لاہور میں پولیس بھی سٹے بازوں کے خلاف کریک ڈاؤن کیلئے متحرک ہے جس کیلئے ڈی آئی جی آپریشنز افضال کوثر نے چھاپہ مار ٹیمیں تشکیل دے دی ہیں۔

مزید پڑھیں: ایشیا کپ 2022 میں پاک بھارت ٹاکرا آج ہوگا

افضال کوثر نے تمام ایس ایچ اوز اپنے علاقوں میں بُک میکرز کی گرفتاری یقینی بنانے کی ہدایت کردی ہے جبکہ سابقہ سٹے بازوں کے ریکارڈ کی جانچ کا بھی حکم دیا ہے۔