پاکستان کو قرض کی فراہمی پر آئی ایم ایف ایگزیکٹو بورڈ کا اجلاس آج ہوگا

آئی ایم ایف اجلاس میں پاکستان کے ساتویں اورآٹھویں جائزے کے بعد قرض فراہمی کا فیصلہ ہوگا:فوٹو:فائل

---

بین الاقوامی مالیاتی ادارے( آئی ایم ایف) کے ایگزیکٹو بورڈ کا اجلاس آج ہوگا جس میں پاکستان کو قرض کی فراہمی پرغورکیا جائے گا۔

واشنگٹن میں ہونے والے آئی ایم ایف کے ایگزیکٹو بورڈ کے اجلاس میں پاکستان کے ساتویں اور آٹھویں جائزے کے بعد پاکستان کو قرض فراہم کرنے سے متعلق فیصلہ کیا جائے گا۔آئی ایم ایف کی جانب سے قرض فراہم کرنے کی منظوری کی صورت میں پاکستان کو فوری طورپر ایک ارب 17 کروڑ ڈالر فراہم کئے جائیں گے۔

پاکستان نے آئی ایم ایف کو پروگرام کی مدت میں ایک سال کے اضافے اور قرض کی رقم میں ایک ارب ڈالراضافے کی درخواست دے رکھی ہے۔آئی ایم ایف کے ایگزیکٹو بورڈ اجلاس میں سعودی عرب کے قرض کا کوٹہ بھی پاکستان کو دئیے جانے کا امکان ہے۔