ترکی سے امدادی سامان لے کر خصوصی ٹرین پاکستان کے لیے روانہ

امدادی سامان لے کر اب تک 6 پروازیں پاکستان آچکی ہیں، کل مزید 2 پروازیں پاکستان پہنچیں گی

ویب ڈیسک August 30, 2022

ترکی کی جانب سے سیلاب متاثرین کے لیے امداد بھیجنے کا سلسلہ جاری ہے

پاکستان میں سیلاب کی تباہ کاریوں کے بعد ترکی کی جانب سے امدادی سامان بھیجنے کا سلسلہ جاری ہے، اس حوالے سے سیلاب متاثرین کا امدادی سامان لے کر خصوصی ٹرین انقرہ سے پاکستان کے لیے روانہ ہو گئی ہے۔

In line with his commitment, my brother H.E. President @RTErdogan is leading humanitarian aid drive for flood affectees. Turkey 🇹🇷 has mobilized massive relief effort. 6 flights have landed so far; 2 more will arrive tomorrow. Train carrying relief goods left Ankara for Pakistan pic.twitter.com/ZywsM0gLSB

- Shehbaz Sharif (@CMShehbaz) August 30, 2022

وزیراعظم شہباز شریف نے اپنے ٹوئٹر بیان میں ترک صدر رجب طیب اِردوان سے اظہار تشکر کرتے ہوئے کہا ہے کہ ہم سیلاب زدگان کی امداد کےلیے ترک صدر کے مشکور ہیں۔ ترکی نے بڑے پیمانے پرپاکستان کےلیے امدادی سرگرمیاں شروع کی ہیں۔

وزیراعظم نے ٹوئٹر بیان میں مزید کہا کہ ترکی سےامدادی سامان لے کر اب تک 6 پروازیں پاکستان آچکی ہیں جب کہ کل مزید 2 پروازیں پاکستان پہنچیں گی۔ علاوہ ازیں امدادی سامان لے کر خصوصی ٹرین انقرہ سے پاکستان کے لیے روانہ ہو گئی ہے۔