چینی شخص نے ایک ساتھ تین ریوبک کیوب اچھالتے ہوئے ساڑھے تین منٹ میں حل کردیئے

چینی شخص لی ژائی ہواؤ نے ہوا میں کرتب دکھاتے ہوئے تین ریوکب کیوب کو ایک ساتھ حل کرنے کا نیا ریکارڈ قائم کیا ہے۔ فوٹو: یوپی آئی

---

چینی شخص نے ایک نیا عالمی ریکارڈ قائم کیا ہے جس میں انہوں نے ہوا میں گھماتے ہوئے رنگ برنگی چھکوں پر مشتمل تین ریوبک کیوب کو حل کیا ہے اور اس میں انہیں صرف ساڑھے تین منٹ لگے ہیں۔

لی ژائی ہواؤ نے ہوا میں گھماتے ہوئے شعبدہ بازی کے کھیل کھیل میں تین ریوبک کیوب کو سیدھا کیا ہے اور اس میں صرف تین منٹ اور 29.29 سیکنڈ میں تمام رنگوں والے خانے کو یکساں طور پر برابر کیا گیا ہے۔


 

یہ کارنامہ انہوں ںے صوبہ فیوجیان کے شہر ژیامن میں انجام دیا ہے جس کی تصدیق اب گنیز بک آف ورلڈ ریکارڈ نے بھی کردی ہے۔ اس طرح انہوں نے ایک ساتھ تین ریوبک کیوب ہوا میں گھماتے ہوئے حل کرنے کا نیا ریکارڈ قائم کیا ہے۔

اس سے قبل وہ الٹا لٹک کر ریوبک کیوب اچھالتے ہوئے انہیں حل کرنے کا شاندار مظاہرہ بھی کرچکے ہیں۔ اسی طرح الٹا لٹک کر ایک ہاتھ سے بھی ریوبک کیوب ٹھیک کرنا ان کا محبوب مشغلہ ہے۔