افغان ٹیم کو زیادہ انٹرنیشنل کرکٹ ملنی چاہیے راشد خان

ہمارے ملک کے آنے والے باصلاحیت کھلاڑیوں کو زیادہ مواقع نہیں مل پاتے، اسپنر (فوٹو: ٹوئٹر)

---

افغان ٹیم کے اسپنر راشد خان نے مطالبہ کیا ہے کہ افغان ٹیم کو زیادہ سے زیادہ انٹرنیشنل کرکٹ ملنی چاہیئے۔

افغان ٹیم کے لیگ اسپنر راشد خان نے کہا کہ مجھے تو دنیا بھر میں منعقد ہونے والی لیگز میں شرکت کا موقع میسر آرہا ہے لیکن ہمارے ملک کے آنے والے باصلاحیت کھلاڑیوں کو زیادہ مواقع نہیں مل پاتے، لہذا ہم زیادہ سے زیادہ انٹرنیشنل کرکٹ چاہتے ہیں۔

محمد نبی کی زیرقیادت افغان ٹیم نے ایشیا کپ کے افتتاحی میچ میں سری لنکا اور اپنے دوسرے میچ میں بنگلہ دیش کو زیر کیا تھا۔

واضح رہے کہ دو میچوں میں کامیابی کے ساتھ ہی افغان ٹیم نے سپر فور مرحلے کیلئے کوالیفائی کرلیا ہے۔