اقوام متحدہ کے سیکرٹری جنرل آئندہ ہفتے پاکستان کا دورہ کریں گے

پاکستان میں بدترین سیلابی صورت حال کے باعث لاکھوں مرد، خواتین اور بچے مشکل ترین حالات کا سامنا کررہے ہیں، ترجمان

ویب ڈیسک August 31, 2022

عالمی ادارے کے سیکرٹری جنرل سیلابی صورت حال کے پیش نظر پاکستان کا دورہ کریں گے (فوٹو فائل)

اقوام متحدہ کے سیکرٹری جنرل انتونیو گوتریس آئندہ ہفتے پاکستان کا دورہ کریں گے۔

With the tragic situation facing millions of men, women and children impacted by historic floods in Pakistan, Secretary-General @antonioguterres will travel to the country next week for a solidarity visit.

- UN Spokesperson (@UN_Spokesperson) August 30, 2022

عالمی ادارے کے ترجمان کی جانب سے ٹوئٹر پر جاری بیان میں تصدیق کی گئی ہے کہ سیکرٹری جنرل، پاکستان میں سیلابی صورت حال کے پیش نظر اظہار یکجہتی کے لیے آئندہ ہفتے پاکستان کا دورہ کریں گے۔

ترجمان کا کہنا تھا کہ پاکستان میں بدترین سیلابی صورت حال کے باعث لاکھوں مرد، خواتین اور بچے مشکل ترین حالات کا سامنا کررہے ہیں۔ انتونیو گوتریس کی اسلام آباد آمد 9 ستمبر کو متوقع ہے۔ ذرائع کے مطابق سیکرٹری جنرل موسمیاتی تباہی سے زیادہ متاثرہ علاقوں کا دورہ کریں گے۔

واضح رہے کہ ایک روز قبل ہی عالمی ادارے کی جانب سے پاکستان میں سیلاب متاثرین اور ان کی بحالی کے لیے 160 ملین ڈالر امداد کی فلیش اپیل کی گئی ہے۔