امارات سے 50 ملین ڈالر کا امدادی سامان آنا شروع ہوگیا وزیراعظم

یواے ای کے صدر محمد بن زاید نے سیلاب متاثرین کی مدد جاری رکھنے کا یقین دلایا ہے، شہباز شریف

---

وزیراعظم شہباز شریف نے کہا ہے کہ متحدہ عرب امارات سے سیلاب متاثرین کے لئے 50 ملین ڈالر کا امدادی سامان آنا شروع ہوگیا۔

وزیراعظم شہباز شریف نے ٹویٹ کرتے ہوئے کہا کہ برادر ملک متحدہ عرب امارات نے پاکستان میں سیلاب زدگان کے لیے 50 ملین ڈالر کی امدادی سامان کی پہلی کھیپ کی فراہمی شروع کردی ہے، گزشتہ رات یواے ای کے صدر محمد بن زاید سے ٹیلی فونک پر گفتگو ہوئی، انہوں نے یقین دلایا کہ متحدہ عرب امارات سیلاب متاثرین کی مدد جاری رکھے گا۔

Brotherly UAE has started delivering the first tranche of relief good worth $50 million for the flood victims in Pakistan. In my telephonic conversation with my brother HH President @MohamedBinZayed
last night, he assured the UAE will continue to help flood affectees.

— Shehbaz Sharif (@CMShehbaz) September 1, 2022

شہباز شریف نے کہا کہ میں نے صدر محمد بن زاید کی دعوت پر 3 ستمبر کو متحدہ عرب امارات کا دورہ کرنا تھا، ہم نے باہمی طور پر دورہ ملتوی کرنے کا فیصلہ کیا تاکہ میں ملک میں امدادی سرگرمیوں پر توجہ مرکوز کر سکوں۔

وزیراعظم نے مزید کہا کہ ہم ہمیشہ اپنے بھائیوں اور بہنوں کے مقروض رہیں گے جنہوں نے اس مشکل میں ہمارا ساتھ دیا۔

ادھر یو اے ای کی جانب سے سیلاب متاثرین کے لئے امدادی سامان لے کر طیارہ کراچی پہنچ گیا۔ متحدہ عرب امارات کی طرف سے امدادی سامان میں خوراک، ادویات اور خیمیں شامل ہیں۔

صوبائی وزیر سعید غنی نے امدادی سامان لے کر آنے والے سی ون طیارے کو وصول کیا۔ یو اے ای کے قونصل جنرل، قونصلیٹ کے اعلٰی افسران، پی ڈی ایم اے افسران اور دیگر بھی موجود تھے۔

متحدہ عرب امارات کا امدادی ہوائی پل پاکستان میں سیلاب سے متاثرہ افراد کی مدد کے لیے جاری ہے اور آج طیارة ٹنوں خوراک، طبی اور دواسازی کے سامان اور متاثرہ افراد کو پناہ دینے کیلئے خیمے سے لدا ہوا كراچی پہنچ گیا ہے#UAEAid pic.twitter.com/bR5eSw7Eit

— UAE Embassy PK (@uaeembassyisb) September 1, 2022