ملائیشین ائیرلائن کا لاپتہ طیارہ کہاں ہے ہمیں اس کا علم نہیں ترجمان افغان طالبان

ترقی یافتہ ممالک جدید ٹیکنالوجی کی سہولیات کے بعد بھی طیارے کی گمشدگی کا معمہ ابھی تک حل کرنہیں پائے، افغان طالبان. فوٹو: فائل

---

KARACHI: افغان طالبان کے ترجمان ذبیح اللہ مجاہد نے کہا ہے کہ ملائیشین ایئرلائن کا طیارہ کہاں ہے ہمیں اس بارے میں کچھ علم نہیں۔

غیر ملکی خبر رساں ایجنسی رائٹرز کے مطابق افغان طالبان کے ترجمان ذبیح اللہ مجاہد کا کہنا تھا کہ ملائیشین ایئرلائن کے طیارے کی گمشدگی یا اسے ہائی جیک کرنے میں افغان طالبان ملوث نہیں اور نہ ہی ہمیں اس کا کوئی علم ہے۔ انہوں نے کہا کہ دنیا کے ترقی یافتہ ممالک جدید آلات اور ٹیکنالوجی کی سہولیات کے ذریعے بھی طیارے کی گمشدگی کا معمہ ابھی تک حل کرنہیں پائے تاہم یہ بات قطعی طورپر حتمی ہے کہ ملائیشین طیارہ افغانستان کی حدود میں موجود نہیں۔