مہوش حیات بھی سیلاب متاثرین کی بحالی کیلئے میدان میں آگئیں

سیلاب متاثرین کیلئے میں ’پینی اپیل‘ کے ساتھ مل کر ایمرجنسی گلوبل اپیل لانچ کررہی ہوں، اداکارہ

ویب ڈیسک September 01, 2022

اداکارہ نے اپنے انسٹاگرام اکاؤنٹ میں متاثرین کی مدد کیلئے ایک وڈیو میسج شیئر کیا ہے، فوٹو: انسٹاگرام

پاکستان کی معروف اداکارہ مہوش حیات بھی سیلاب متاثرین کی بحالی کیلئے میدان میں اتر آئیں۔

اداکارہ نے اپنے انسٹاگرام اکاؤنٹ میں ایک وڈیو میسج شیئر کیا ہے جس میں وہ لوگوں سے اپیل کررہی ہے کہ سیلاب متاثرین کی ہرممکن مدد کی جائے۔

انہوں نے لوگوں سے کہا کہ وہ سیلاب متاثرین کی بحالی کام کیلئے مسلم چیرٹی تنظیم 'پینی اپیل' کے ساتھ اشتراک کریں کیوں کہ یہ تنظیم سیلاب سے شدید متاثر 30 علاقوں میں کام کررہی ہے۔

View this post on Instagram

A post shared by Mehwish Hayat (@mehwishhayatofficial)

مہوش حیات کا کہنا تھا کہ کبھی کبھار الفاظ کافی نہیں ہوتے۔ آج میں 'پینی اپیل' کے ساتھ مل کر ایمرجنسی گلوبل اپیل لانچ کررہی ہوں تاکہ ان متاثرین کی مدد کی جائے جو سیلاب کے خوفناک المیے کا شکار ہیں۔

انہوں نے مزید کہا کہ چیرٹی تنظیم 'پینی اپیل' سیلاب سے شدید طور پر متاثر 30 علاقوں میں کام کررہی ہے۔ متاثرین کو کھانا، پینے کا پانی اور میڈیکل کی سہولت مہیا کی جارہی ہے لیکن یہ کام بہت کم ہے۔ ہمیں بہت زیادہ اور لمبے عرصے تک کام کی ضرورت ہے۔