جمائما اپنی فلم کے خصوصی شو کی آمدنی پاکستانی سیلاب زدگان کو دیں گی

فلم کی خصوصی اسکریننگ کا مقصد پاکستان میں سیلاب زدگان کے لئے فنڈز اکٹھا کرنا ہے، جمائما

ویب ڈیسک September 02, 2022

جمائما گولڈ اسمتھ کی فلم کے خصوصی شو میں 20 افراد شرکت کریں گے:فوٹو:فائل

پی ٹی آئی کے چئیرمین عمران خان کی سابق اہلیہ جمائما گولڈ اسمتھ نے اپنی فلم کے خصوصی شو کی آمدنی پاکستان کے سیلاب زدگان کو دینے کا اعلان کردیا۔

جمائما گولڈ اسمتھ نے ٹوئٹر پر پیغام میں کہا کہ وہ اپنی آنے والی فلم 'واٹس لو گاٹ ٹو ڈو ود اٹ' کے خصوصی شو کا اہتمام کررہی ہیں جسے 20 افراد دیکھ سکیں گے۔

In aid of Pakistan’s flood victims
🇵🇰🙏🏼🇵🇰🙏🏼
We are auctioning a private screening in London for up to 20 people of our film What's Love Got To Do With It? See you there 💚 https://t.co/BiAmbgvVG2
— Jemima Goldsmith (@Jemima_Khan) September 1, 2022

جمائما کا مزید کہنا تھا کہ فلم کی ریلیز سے قبل خصوصی شو کا مقصد پاکستان کے سیلاب زدگان کی مدد کرنا ہے۔ اس خصوصی شو کی آمدنی پاکستان کے سیلاب متاثرین کے لئے دی جائے گی۔سابق وزیراعظم بے نظیر بھٹو کی بھتیجی فاطمہ بھٹو فلم کی خصوصی اسکریننگ میں جمائما گولڈ اسمتھ کے ساتھ کو ہوسٹ ہوں گی۔

پاکستانی اداکارہ سجل علی بھی جمائما گولڈ اسمتھ کی فلم 'واٹس لو گاٹ ٹو ڈو ود اٹ' کی کاسٹ میں شامل ہیں۔