عراق کی فوج نے داعش کے مضبوط ترین گڑھ موصل میں قائم داعش کے ٹھکانوں کو حملے کرکے تباہ کردیئے۔

عراق کی سرکاری خبر رساں ایجنسی کے مطابق موصل کی عادیہ پہاڑیوں میں واقع داعش جنگجوؤں کے ٹھکانوں کو تباہ کردیا۔ جہاں بڑی تعداد میں اسلحہ، بارود، ٹیکنیکل سپورٹ آلات اور کمین گاہیں تھیں۔

عراقی فوج کی جانب سے جاری بیان میں انٹیلی جنس بنیاد پر کی گئی اس کارروائی کو بڑی کامیابی کہا جا رہا ہے تاہم ہلاکتوں سے متعلق تفصیلات نہیں بتائی گئیں۔

عراق نے اتحادی افواج کے ساتھ مل کر ملک پر قابض داعش جنگجوؤں کو پسپا ہونے پر مجبور کردیا تھا تاہم اب بھی وہ دور دراز علاقوں میں موجود ہیں اور وہاں سے کارروائی کے لیے شہروں میں آتے ہیں۔