پاکستان نژاد امریکی و برطانوی شوبز شخصیات سیلاب متاثرین کی مدد کیلئے متحرک

ایک تہائی پاکستان ڈوبا ہوا ہے اور میڈیا میں اس کی خبریں نہیں ہیں، پاکستان نژاد برطانوی ہالی وڈ اداکارہ جمیلہ جمیل

ویب ڈیسک September 06, 2022

قاسم راشد نے آن لائن فنڈز جمع کرنے کا پروگرام شروع کردیا، فوٹو: انسٹاگرام

امریکی و برطانوی شوبز اور فنون لطیفہ سے وابستہ پاکستان نژاد شخصیات نے بھی پاکستان کے سیلاب متاثرین کی بحالی کے لیے فنڈز جمع کرنا شروع کردیے۔

پاکستان نژاد لکھاری قاسم راشد نے آن لائن فنڈز جمع کرنے کا پروگرام شروع کرتے ہوئے اپنی ٹوئٹ میں لکھا کہ جب پیرس میں ایک کیتھڈرل کے لیے ایک ارب ڈالر جمع کیے جا سکتے ہیں تو بے گھر ہونے والے 5 کروڑ پاکستانیوں کے لیے بھی ہم فنڈ جمع کر سکتے ہیں۔

I feel like if we could raise $1 Billion for a cathedral in Paris we can raise $1 Billion for 50 Million people displaced from their homes in Pakistan.

This is life & death-the time to act is now. Grateful to all who are contributing & retweeting. Donate: https://t.co/apl7KD0twx

- Qasim Rashid, Esq. (@QasimRashid) August 31, 2022

قاسم راشد نے دنیا بھر کے لوگوں کو سیلاب متاثرین کی مدد کے لیے آگے آنے کی اپیل کرتے ہوئے لکھا کہ سیلاب نے کروڑوں لوگوں کو بے گھر کردیا۔

پاکستان نژاد ہالی وڈ اداکار کمیل ننجیانی نے بھی سیلاب متاثرین کی بحالی اور مدد کے لیے فنڈز جمع کرنے کا پروگرام شروع کردیا۔

Pakistan is suffering from devastating flooding right now. I made a donation to help. Please donate if you are able to. Thank you. https://t.co/QI9OaY0tEq

- Kumail Nanjiani (@kumailn) August 31, 2022

انہوں نے لوگوں کو اپیل کی کہ وہ ان کے فنڈ میں زیادہ سے زیادہ پیسے جمع کروائیں تاکہ لاکھوں لوگوں کی زندگی بحال ہوسکے۔

پاکستان نژاد برطانوی ہالی وڈ اداکارہ جمیلہ جمیل نے بھی پاکستان میں سیلاب کی تباہ کاریوں اور انسانی المیے پر ٹوئٹ کرتے ہوئے لوگوں کو مدد کی اپیل کی۔

WHAT THE HELL IS GOING ON?🚨ONE *THIRD* OF PAKISTAN IS *UNDER WATER* AND IT IS NOT ALL OVER THE MEDIA, AND THE TIMELINE? MORE WATER IS COMING. 50 MILLION PEOPLE ALREADY DISPLACED.🚨 This is only the start of the devastation. Pls drop links below for any orgs people can donate to. pic.twitter.com/kyD1IjYvEa

- Jameela Jamil 🌈 she/her (@jameelajamil) September 3, 2022

انہوں نے پاکستانی سیلاب کی عالمی میڈیا میں کوریج نہ ہونے کا شکوہ بھی کیا اور لکھا کہ ایک تہائی پاکستان ڈوب چکا ہے اور 5 کروڑ لوگ پہلے مرحلے میں بے گھر ہو چکے ہیں اور تاحال لوگوں کے بے گھر ہونے کا سلسلہ جاری ہے مگر عالمی میڈیا میں اس کی خبر تک نہیں۔

جمیلہ جمیل نے مداحوں کو یہ اپیل بھی کی کہ وہ ان کی ٹوئٹ میں ان تنظیموں اور اداروں کے لنکس شیئر کریں جو سیلاب متاثرین کی مدد میں پیش پیش ہیں تاکہ دنیا بھر کے لوگ ان تنظیموں کی مدد کر سکیں۔