ایلون مسک کی ویب سیریز ’دی رنگز آف پاور‘ پر شدید تنقید

ایلون مسک اور جیف بیزوس کئی برسوں سے تجارتی حریف ہیں۔ فوٹو: انسٹاگرام

---

معروف امریکی بزنس ٹائیکون اور ٹیسلا کے سی ای او ایلون مسک نے ویب سیریز 'دی رنگز آف پاور' کو شدید تنقید کا نشانہ بنایا ہے۔

ایلون مسک نے ٹویٹر پر اپنی پوسٹ میں کہا ہے کہ سوائے گیلیڈریئل کے ایمازون کی نئی سیریز کا ہر مرد کردار یا تو بزدل یا بے وقوف ہے۔

انہوں نے مزید کہا کہ ٹالکین کو اس سیریز سے اپنی قبر میں تکلیف ہورہی ہوگی، واضح رہے کہ ٹالکین 'لارڈ آف دی رنگز' سیریز کے مصنف تھے۔

Almost every male character so far is a coward, a jerk or both. Only Galadriel is brave, smart and nice.

- Elon Musk (@elonmusk) September 5, 2022

مبصرین ایلون مسک کی تنقید کو ان کی ایمازون کے بانی جیف بیزوس کے ساتھ پرانی دشمنی کا اشتعال قرار دے رہے ہیں۔

مسک اور بیزوس کئی برسوں سے تجارتی حریف ہیں چناں چہ 'دی رنگز آف پاور' پر ایلون مسک کی تنقید حیران کن نہیں ہے۔

واضح رہے کہ دونوں ارب پتی بزنس مین خلائی جہاز کی صنعت سے بھی وابستہ ہیں، مسک کی کمپنی 'اسپیس ایکس' اور بیزوس کی کمپنی کا نام 'بلیو اوریجن' ہے۔

دوسری طرف فلم ناقدین 'دی لارڈ آف دی رنگز' کے پریکوئل سیریز کو ایک شہکار قرار دے رہے ہیں اور سیریز کی پہلی دو اقساط کو صرف چوبیس گھنٹے کے دوران 25 ملین افراد نے دیکھا ہے۔