ڈپٹی کمشنر عمرکوٹ ندیم الرحمان میمن کی ہدایت پر ضلع عمرکوٹ کے متاثرہ25 دیھ میں اسسٹنٹ کمشنر ابو اعلیٰ بھٹی کی نگرانی میں امدادی سرگرمیاں شروع کر دی گئی ہیں۔

ڈپٹی کمشنر نے بتایا کہ متاثرہ عمرکوٹ کے گائوں لیپلو اور جالو جو چونرو میں منرل واٹر کی 100 بوتلیں، 450 راشن کے تھیلوں کی تقسیم کا کام شروع کر دیا ہے۔ انھوں نے کہا کہ دوسرے متاثرہ دیھوں میں بھی اشیائے خور و نوش اور صاف پانی جلد فراہم کیا جائے گا۔ اس موقع پر انھوں نے اسسٹنٹ کمشنر عمرکوٹ ابو اعلیٰ بھٹی کو ہدایت کی کہ وہ امدادی سامان اپنی نگرانی میں شفاف طریقے سے تقسیم کریں۔