وفاقی وزیراطلاعات پرویزرشید نے کہا ہے کہ الطاف حسین کے بیانات خطرناک رجحان کو جنم دے رہے ہیں۔

ان کے بیانات شبہات پیدا کررہے ہیں اورکسی بھی رہنما کو ملکی سلامتی پر بات کرنے سے قبل سوچ لینا چاہیے ۔ایکسپریس نیو زکے مطابق پرویز رشید نے کہا کہ الطاف حسین عوام کو گمراہ کرنے کی شعوری کوشش کررہے ہیں، وہ اپنے بیانات کے ذریعے افراتفری پھیلا رہے ہیں ،غیر ضروری بیانا ت سنگین نتائج پیدا کرسکتے ہیں ،انکے بیانات حکومت مخالف ہی نہیں ریاست مخالف بھی ہیں۔ پرویزرشید کا کہنا تھا کہ الطاف حسین ملک میں عدم اعتماد کی فضا پیدا کررہے ہیں۔