سوات امن کمیٹی رکن پر بم حملے میں ہلاکتوں کی تعداد 8 ہوگئی

جائے وقوعہ سے مزید تین لاشیں برآمد ہوئیں

---

برہ بانڈی کے علاقے میں ہونے والے بم دھماکے میں ہلاکتوں کی تعداد 8 ہوگئی۔

پولیس کے مطابق جائے وقوعہ سے مزید تین لاشیں برآمد ہوئیں، جس کے نتیجے میں برہ بانڈی دھماکے میں جاں بحق افراد کی تعداد 8 ہوگئی۔

یہ بھی پڑھیں: سوات میں ریموٹ کنٹرول دھماکا، امن کمیٹی کے رکن سمیت پانچ افراد جاں بحق

محکمہ انسداد دہشت گردی (سی ٹی ڈی) نے دھماکے کی ایف آئی آر نامعلوم افراد کے خلاف درج کرلی ہے۔ تاحال کسی نے حملے کی ذمہ داری قبول نہیں کی۔

برہ بانڈی دھماکے میں امن کمیٹی کے سربراہ سمیت پانچ افراد جاں بحق pic.twitter.com/N3ESxP7vHc

— shahzad alam (@shahzadswat) September 13, 2022

یہ بم حملہ گزشتہ شام امن جرگہ کے سربراہ ادریس خان پر کیا گیا تھا۔ ڈی پی او سوات زاہد مروت کے مطابق امن کمیٹی کے ممبر کے گاڑی پر ریموٹ کنٹرول بم دھماکا کیا گیا، جاں بحق افراد میں دو پولیس اہلکار بھی شامل ہیں۔

سوات : برہ بانڈئ کے علاقہ غلو کنڈو میں محمد ادریس خان (وی ڈی سی) کی گاڑی پر ریموٹ کنٹرول بم دھماکے سے ہیڈ کانسٹیبل رامبیل اور کانسٹیبل وحید اللہ شہادت کے عظیم مرتبے پر فائز ہوگئے۔ pic.twitter.com/uOYiTodKAW

— KP Police (@KP_Police1) September 13, 2022