ورلڈ ٹی20 کیلیے قومی اسکواڈ کے اعلان پر محمد عامر کا چیف سلیکٹر پر طنز
چیف سلیکٹر کی چیپ سلیکشن، محمد عامر کی ٹویٹ
پاکستان کرکٹ بورڈ کے چیف سلیکٹر محمد وسیم کی جانب سے ورلڈ ٹی ٹوئنٹی اور انگلینڈ کے خلاف سیریز کے لیے قومی اسکواڈ کے اعلان پر فاسٹ بولر محمد عامر نے طنزیہ ٹویٹ کر دی۔
سماجی رابطے کی ویب سائٹ ٹویٹر پر محمدعامر نے سلیکشن پر طنزیہ ٹویٹ کرتے ہوئے لکھا کہ ''چیف سلیکٹر کی چیپ سلیکشن''۔
ورلڈ ٹی ٹوئنٹی کے لیے 17 رکنی اسکواڈ کا اعلان کیا گیا ہے۔ فاسٹ بولر حسن علی انگلینڈ اور ورلڈ ٹی ٹوئنٹی دونوں سیریز سے باہر ہوگئے ہیں جبکہ فخر زمان، شاہنواز دھانی اور وکٹ کیپر محمد حارث کو ٹریولنگ ریزرو کے طور پر شامل کیا گیا ہے۔
شاہین شاہ آفریدی انجری کے باعث انگلینڈ کے خلاف سیریز کا حصہ نہیں ہیں البتہ فاسٹ بولر کو ورلڈ ٹی ٹوئنٹی کے اسکواڈ میں شامل کیا گیا ہے۔
واضح رہے کہ فاسٹ بولر محمد عامر کافی عرصے سے قومی کرکٹ ٹیم سے باہر ہیں۔