پی ڈی ایم نے قوم کو مہنگائی کے سمندر میں ڈبو دیا ہے شیخ رشید

(فوٹو:فائل) بلاول پاکستان میں بطور مہمان اداکار آتے ہیں، سربراہ عوامی مسلم لیگ

---

عوامی مسلم لیگ کے سربراہ شیخ رشید احمد کا کہنا ہے کہ پاکستان ڈیموکریٹک الائنس (پی ڈی ایم) نے قوم کو مہنگائی کے سمندر میں ڈبو دیا۔

سماجی رابطے کی ویب سائٹ ٹوئٹر پر جاری بیان میں شیخ رشید کا کہنا تھا کہ ملک میں مہنگائی کے تمام ریکارڈ ٹوٹ گئے ہیں، پی ڈی ایم نے قوم کو مہنگائی کے سمندر میں ڈبو دیا ہے۔

شیخ رشید نے کہا کہ حکمرانوں کے 150کرپشن ریفرنس کی واپسی کو سپریم کورٹ انشاء اللہ بحال کرے گی، نیب ترامیم کالعدم ہوں گی اور 1کروڑ اوورسیز پاکستانیوں کو ووٹ کا حق ملے گا۔

مزید پڑھیں: گینگ آف تھری ''زرداری، نواز، فضل'' الیکشن نہیں روک سکتے، شیخ رشید

انہوں نے کہا کہ 70 وزراء کی تعداد آئین کے منافی ہے اس کے خلاف ہائی کورٹ جاؤں گا، بلاول پاکستان میں بطور مہمان اداکار آتے ہیں دفتر نہیں جاتے جبکہ 21 وزراء بے محکمہ ہیں۔

حکمرانوں کے150کرپشن ریفرنس کی واپسی کو سپریم کورٹ انشاء اللہ بحال کرے گی۔نیب ترامیم کالعدم ہوں گی اور 1کروڑ اوورسیز پاکستانیوں کو ووٹ کا حق ملے گا۔70وزراء کی تعداد ائین کے منافی ہے اس کے خلاف ہائی کورٹ جاوں گا۔PDMاپنی انجام کو پہنچ گئی ہے۔ اقتصادی بحران انتہائی سنگین ہوگیا ہے

— Sheikh Rashid Ahmed (@ShkhRasheed) September 18, 2022