چاغی میں مسافر گاڑیوں کے درمیان تصادم بچے سمیت 3 افراد جاں بحق
حادثے میں بچوں سمیت 30 افراد زخمی ہوئے جن میں سے گیارہ کی حالت تشویشناک ہے، اسپتال انتظامیہ
بلوچستان کے علاقے چاغی میں دو مسافر گاڑیوں میں تصادم کے نتیجے میں 3 افراد جاں بحق جبکہ تیس سے زائد زخمی ہوگئے۔
ایکسپریس نیوز کے مطابق چاغی کے علاقے ماشکیل بگ ایریا میں مخالف سمت سے آنے والی دو مسافر گاڑیوں کے درمیان خوفناک تصادم ہوا ہے۔
تصادم کے نتیجے میں خواتین اور بچوں سمیت 30 افراد زخمی ہوئے جنہیں ریسکیو رضاکاروں نے ڈی ایچ کیو دالبندین اسپتال منتقل کیا گیا۔
اسپتال منتقلی کے دوران ایک شخص جاں بحق ہوا جبکہ بچے سمیت مزید دو دوران علاج چل بسے۔ ڈاکٹرز کے مطابق زخمیوں میں سے 11 افراد کی حالت تشویشناک ہے۔