ملکہ الزبتھ دوم کی تدفین تابوت رائل والٹ میں اتار دیا گیا

ملکہ کی آخری رسومات شایان شان طریقے سے جاری ہیں، فوٹو: ٹوئٹر

---

ملکہ برطانیہ الزبتھ دوم کی آخری رسومات کے بعد ملکہ کے تابوت کو ونڈزر کارسل میں سینٹ جارج چیپل کے رائل والٹ میں اتار دیا گیا۔

ان کی آخری رسومات میں دنیا بھر سے 2 ہزار سے زائد اعلیٰ حکومتی اور سیاسی شخصیات بھی شریک ہوئے۔

عالمی خبر رساں ادارے کے مطابق برطانیہ پر ملکہ الزبتھ دوم کا شاہی شان و شوکت سے لبریز 70 برس کی بادشاہت کا اختتام 10 سمتبر کو 96 سال کی عمر میں ان کے انتقال سے ہوا اور ان کے بڑے بیٹے شہزادہ چارلس مملکت کے نئے بادشاہ بن گئے ہیں۔



ملکہ برطانیہ کی آخری رسومات کی تقریبات سرکاری سطح پر بادشاہوں اور ملکاؤں کے لیے مختص شایان شان طریقے سے ادا کی جا رہی ہیں۔ جس میں تابوت کی فوجی جلوس میں روانگی، آخری دیدار، مذہبی گیت اور دعائیہ تقریب شامل ہیں۔

یہ خبر پڑھیں : ملکہ برطانیہ کے باوقار اور شاندار دورۂ پاکستان کی جھلکیاں

دنیا کی تاریخ کا سب سے بڑا جنازہ ملکہ برطانیہ کے حصے میں آیا ہے جہاں 500 کے قریب سربراہان مملکت انکے جنازے میں پرسہ دینے کے لئے شریک ہیں

اہل ایمان کے مطابق جس کا جنازہ جتنا بڑا ہوگا اتنا ہی وہ جنت کے سب سے بڑے اور مہنگے پلاٹ کا وہی حقدار ہوگا pic.twitter.com/yD7Apb9H9m

— Shahzad Shafi (@ShahzadShafi007) September 19, 2022

ملکہ الزبتھ کی آخری رسومات کا آغاز برطانوی وقت کے مطابق دن 11 بجے ویسٹ منسٹر ہال میں دعائیہ تقریب سے ہوا جس میں دنیا بھر سے آئے 2 ہزار مخصوص مہمانوں اور شاہی خاندان کے افراد سمیت حکومتی عہدیداروں نے شرکت کی جبکہ باہر مرکزی علاقے میں ہزاروں شہری بھی موجود تھے۔



دعائیہ تقریب کے بعد تابوت کو ویسٹ منسٹر ہال سے ویسٹ منسٹر ایبی تک رائل نیوی کی سرکاری گن کیرج میں لایا گیا جسے 142 ملاح کھینچ رہے تھے۔ یہ گن کیرج آخری بار 1979 میں شہزادہ فلپ کے ماموں لارڈ ماؤنٹ بیٹن کی آخرین رسومات میں دیکھی گئی تھی۔

یہ بھی پڑھیں : ملکہ برطانیہ کتنی جائیداد کی مالک تھیں اور اب ان کا کیا ہوگا؟



بعد ازاں ویسٹ منسٹر ایبی سے لندن کے ہائیڈ پارک کارنر میں واقع ولنگٹن آرچ اور پھر وہاں سے ونڈزر کاسل منتقل کیا جائے گا اور وہیں کے گرجا گھر میں سپردِ خاک کیا جائے گا۔



قبل ازیں گزشتہ ہفتے بدھ کے روز سے سے ملکہ کی میت ویسٹ منسٹر ہال میں رکھی گئی تھی اور آج صبح تک لاکھوں افراد نے تابوت کے سامنے حاضری دی جس کے لیے 5 میل طویل قطاریں لگئی تھیں اور ایک ایک دن بعد لوگوں کی باری آئی تھی۔



یہ خبر بھی پڑھیں : ملکۂ برطانیہ کی آخری آرام گاہ کہاں ہوگی؟ تفصیلات آگئیں

یہاں یہ بات دلچسپی سے خالی نہیں کہ ملکۂ برطانیہ سے وفات قبل ہی اپنی تدفن کی ریاستی سطح پر کیے جانے کی منصوبہ بندی میں خود بھی حصہ لیا تھا اور چند اہم تبدیلیاں بھی کی تھیں۔



تابوت لے جانے کے راستوں پر ہزاروں شہری اپنی ملکہ کو دائمی الوداع کہنے کے لیے موجود ہیں۔